တၢ်ဟ့ၣ်လီၤအါထီၣ်ဂ့ၢ်ဂီၢ်အူ COVID တၢ်မၤစၢၤကတၢၢ်အဂ့ၢ်

Emergency SNAP (E-SNAP) မ့ၢ်ဝဲတၢ်ဟ့ၣ်လီၤအါထီၣ် SNAP တၢ်န့ၢ်ဘျုးလၢဟံၣ်ဖိဃီဖိတဖၣ်အဂီၢ်လၢတၢ်မၤစၢၤအဝဲသ့ၣ်အတၢ် ဘၣ်ကွၢ်ဆၢၣ်မဲာ်ဒီးမုၢ်ကျိၤဝဲၤကွာ်တၢ်ဒိဘၣ်မၤဟူးခီဖျိ COVID-19 တၢ်ဆါသတြိာ်အဃိန့ၣ်လီၤ.

တၢ်ဟ့ၣ်လီၤအါထီၣ်မၤအါထီၣ်ဝဲဒၣ်ပှၤဒိးန့ၢ်တၢ်ဖိလၢအကြၢးဝဲဘၣ်ဝဲဒီး SNAP တၢ်န့ၢ်ဘျုးတုၤလၢအအါကတၢၢ်လၢတၢ်ဟ့ၣ်လီၤအဝဲသ့ၣ် အဟံၣ်ဖိဃီဖိနီၣ်ဂံၢ်နီၣ်ဒွးဖီခိၣ်, ဃုာ်ဒီးတၢ်ဆီၣ်ထွဲအါထီၣ်အစှၤကတၢၢ် $95 န့ၣ်လီၤ. ဟံၣ်ဖိဃီဖိတဖၣ်လၢအဒိးန့ၢ်တ့ၢ်လံအအါကတၢၢ် တၢ်ကဟ့ၣ်လီၤအါထီၣ်ဝဲ $95 လၢတလါဘၣ်တလါအဂီၢ်န့ၣ်လီၤ.

စးထီၣ်ဖဲလါအ့ဖြ့ၤ 2020 လံၤလံၤ, မဲၣ်နံၣ်စိထၣ်စူးကါဝဲဒၣ်တၢ်န့ၢ်ဘျုးတစိၢ်တလီၢ်တၢ်တိာ်ကျဲၤအံၤလၢအအိၣ်ဖဲ တၢ်မၤကိညၢ်စၢၤဟံၣ်ဖိ ဃီဖိတဖၣ်လၢခိၣ်ရိၣ်နၣ်တၢ်ဆါဃၢ်အဆိကတၢၢ်အတၢ်သိၣ်တၢ်သီ (Families First Coronavirus Relief Act) အဖီလာ်န့ၣ်လီၤ.

ခီကရဲးပဒိၣ်အဖုအကရၢတူၢ်လိာ်ဝဲဒၣ် တၢ်ကၢၤဖှိၣ်ဃုာ်တၢ်ကြၢးဝဲဘၣ်ဝဲအတၢ်သိၣ်တၢ်သီ 2023 (Consolidated Appropriations Act of 2023), တၢ်ဟ့ၣ်လီၤစ့ဆီၣ်ထွဲအနံၣ်ပှဲၤပှဲၤလၢဖဲၣ်ဒရၢၣ်ကီၢ်စၢဖှိၣ်ကျိၣ်စ့အနံၣ် 2023 အဂီၢ်န့ၣ်လီၤ. ဖဲစ့စရီပတီၢ်အပူၤ, ခီကရဲး ပဒိၣ်အဖုအကရၢဘိးဘၣ်ရၤလီၤဝဲလၢ E-SNAP အဆၢကတီၢ်ကလၢာ်ဝဲဖဲလါဖ့ၤဘြူၤအါအရံၤ 2023 ဝံၤအလီၢ်ခံန့ၣ်လီၤ.

ဖဲၣ်ဒရၢၣ်ကီၢ်စၢဖှိၣ်ပဒိၣ်ဒုးအိၣ်ထီၣ်ဝဲဒၣ်တၢ်တိာ်ကျဲၤဒီးဟ့ၣ်လီၤစ့ဆီၣ်ထွဲလၢ COVID-19 တၢ်ဆါသတြိာ်အဂီၢ်လၢတၢ်မၤစၢၤဝဲဒၣ် ပှၤလၢအဘၣ်ဂဲၤလိာ်ဒီးကျိၣ်စ့တၢ်ဂ့ၢ်ကီလၢတၢ်ဟ့ၣ်ဝဲတၢ်အီၣ်တၢ်အီအလဲအဂီၢ်န့ၣ်လီၤ. ဒ်တၢ်ဆါသတြိာ်စှၤလီၤဝဲဒီးအခဲအံၤပှၤအါဂၤ သ့က့ၤဖံးက့ၤမၤလံအဃိ, ဖဲၣ်ဒရၢၣ်ကီၢ်စၢဖှိၣ်ပဒိၣ်ပတုာ်ကွံာ်ဝဲတၢ်တိာ်ကျဲၤအံၤဒီးပတုာ်စ့ၢ်ကီၢ်စ့ဆီၣ်ထွဲန့ၣ်လီၤ.

ဘၣ်မနုၤဃိE-SNAP ကတၢၢ်ကွံာ်ဝဲဖဲလၢဂ့ၢ်ဂီၢ်အူကမျၢၢ်ဆူၣ်ချ့ဒိးန့ၢ်အါထီၣ်တၢ်မၤစၢၤအခါလဲၣ်.

တၢ်ကၢၤဖှိၣ်ဃုာ်တၢ်ကြၢးဝဲဘၣ်ဝဲအတၢ်သိၣ်တၢ်သီ 2023 (Consolidated Appropriations Act of 2023) ဂ့ၢ်လိာ်သမၢဝဲဒၣ်သဲစးတၢ် ဘျၢဖဲအပူၤကွံာ်တဘ့ၣ်, တၢ်မၤကိညၢ်စၢၤဟံၣ်ဖိဃီဖိတဖၣ်လၢခိၣ်ရိၣ်နၣ်တၢ်ဆါဃၢ်အဆိကတၢၢ်အတၢ်သိၣ်တၢ်သီ (Families First Coronavirus Act), လၢအဒုးနဲၣ်ဖျါထီၣ်ဝဲဒၣ် E-SNAP ကကတၢၢ်ဝဲဖဲဂ့ၢ်ဂီၢ်အူကမျၢၢ်ဆူၣ်ချ့အဆၢကတီၢ်လၢာ်ဝံၤအလီၢ်ခံန့ၣ်လီၤ.

စးထီၣ်လၢတၢ်ဟ့ၣ်နီၤလီၤ E-SNAP ဖဲလါလၢတၢ်ဆၢတဲာ်တၢ်ကြၢးဝဲဒီးခွဲးယာ်ဝံၤအလီၢ်ခံ, အါတက့ၢ်ပှၤစူးကါတၢ်ဖိတဖၣ်ကဒိးန့ၢ် တၢ်သွီနုာ်လီၤ E-SNAP စ့အကတၢၢ်တဘျီဖဲလါမၤၡး အပူၤန့ၣ်လီၤ.

ဟံၣ်ဖိဃီဖိတဖၣ်လၢအကြၢးဝဲဒီး SNAP လၢလါဖ့ၤဘြူၤအါရံၤအဂီၢ်မ့ၢ်စဲၤခံဝဲန့ၣ်, ဘၣ်သ့ၣ်သ့ၣ်အဝဲသ့ၣ်ကဒိးန့ၢ် E-SNAP ဘူးလဲ လီၢ်ခံကတၢၢ်တဘျီဖဲဆူညါတလါန့ၣ်လီၤ.

အါတက့ၢ်ဟံၣ်ဖိဃီဖိတဖၣ်ကဒိးန့ၢ်အ E-SNAP ဘူးလဲလီၢ်ခံကတၢၢ်တဘျီဖဲလါမၤၡး အပူၤန့ၣ်လီၤ. စးထီၣ်ဖဲလါအ့ဖြ့ၤအပူၤ, အါတ က့ၢ်ဟံၣ်ဖိဃီဖိတဖၣ်ကဒိးန့ၢ် SNAP ထဲတခါဧိၤန့ၣ်လီၤ. စ့ဝဲန့ၣ်ကမ့ၢ်ဝဲဟံၣ်ဖိဃီဖိတဖၣ်အတလါတဘျီတၢ်န့ၢ်ဘျုးဒ်ညီနုၢ်အသိးန့ၣ်လီၤ.

အလီၢ်အိၣ်လၢဟံၣ်ဖိဃီဖိတဖၣ်ကဘၣ်ကြၢးဝဲဒီးခွဲးယာ်အါန့ၢ်ဒံး $0 ဖဲ SNAP တၢ်န့ၢ်ဘျုးတဖၣ်အပူၤဖဲလါလၢတၢ်ကြၢးဒီး E-SNAP အဂီၢ်န့ၣ်လီၤ. ဟံၣ်ဖိဃီဖိတဖၣ်လၢတၢ်ဆိကတီၢ်အီၤဖဲလါအဝဲန့ၣ်တကြၢးဝဲဒီးလါဖဲတၢ်မၤစၢၤ E-SNAP အခါဘၣ်န့ၣ်လီၤ.

ဟံၣ်ဖိဃီဖိတဖၣ်အ SNAP တၢ်န့ၢ်ဘျုးတဖၣ်ကဒိးသန့ၤထီၣ်သးဖဲတၢ်အပတီၢ်နီၢ်နီၢ်အဖီခိၣ်, ဒ်အမ့ၢ်ဟံၣ်ဖိဃီဖိနီၣ်ဂံၢ်, တၢ်ဟဲနုာ်ဒီးတၢ် ထုးစှၤလီၤစ့တဖၣ်န့ၣ်လီၤ.

ဟံၣ်ဖိဃီဖိအတၢ်ဟဲနုာ်, တၢ်အပှ့ၤကလံၤ မ့တမ့ၢ် ဟံၣ်ဖိဃီဖိအတၢ်ကဲကရၢဖိမ့ၢ်တဆီလဲဘၣ်န့ၣ်, အဝဲသ့ၣ် SNAP တၢ်န့ၢ်ဘျုးတဖၣ် ကြၢးမ့ၢ်စ့နီၣ်ဂံၢ်လီၤဂာ်လိာ်သးဒီးအဝဲသ့ၣ်ဒိးန့ၢ်ဆိဝဲဖဲအခီၣ်ထံးလါစုာ်စုာ်တချုးဒံးဖဲအဒိးန့ၢ်အါထီၣ် E-SNAP တၢ်န့ၢ်ဘျုးအခါန့ၣ်လီၤ.

ပှၤစူးကါတၢ်ဖိတဖၣ်ကွၢ်ကဒါက့ၤ SNAP တၢ်န့ၢ်ဘျုးအပှာ်ယဲၤသန့ (SNAP benefits webpage) သ့ဝဲလၢအကမၤစၢၤအီၤလၢအတၢ် ဆၢတဲာ်ဝဲဒၣ်အတလါတဘျီတၢ်န့ၢ်ဘျုးအဂီၢ်န့ၣ်လီၤ.

ပာ်ဖျါထီၣ်တၢ်ဆီတလဲတဖၣ်အဂ့ၢ်ဆူပှၤမၤတၢ်ဖိလၢအကြၢးဝဲဘၣ်ဝဲတဂၤဂၤအအိၣ်လၢအဆိအချ့တသ့ဖဲအသ့တက့ၢ်. တၢ်ဆီတလဲသ့ၣ် တဖၣ်အံၤပၣ်ဃုာ်သ့ဝဲဒီး— ပှၤအနီၣ်ဂံၢ်အါထီၣ်ဖဲန SNAP ဟံၣ်ဖိဃီဖိအပူၤ, တၢ်ဆီတလဲတၢ်အပှ့ၤကလံၤလၢတၢ်အိၣ်ကဒု, မ့ၣ်အူလဲ ထံလဲ, တၢ်ကွၢ်ထွဲဖိသၣ် မ့တမ့ၢ် ကွီၢ်ဘျီၣ်တၢ်နဲၣ်လီၤတၢ်ဆီၣ်ထွဲမၤစၢၤဖိသၣ်, မ့တမ့ၢ် တၢ်မၤစှၤလီၤတၢ်ဖဲနတၢ်ဟဲနုာ်အကျါန့ၣ်လီၤ. တၢ် ပာ်ဖျါထီၣ်တၢ်ဆီတလဲတဖၣ်အံၤအဂ့ၢ်ဘၣ်သ့ၣ်သ့ၣ်ကမၤအါထီၣ်နတလါတဘျီတၢ်န့ၢ်ဘျုးဒ်ညီနုၢ်အသိးန့ၣ်လီၤ. နကဘၣ်သမံထံတၢ်ဆီ တလဲတဖၣ်အဂ့ၢ်န့ၣ်လီၤ. လၢတၢ်ပာ်ဖျါထီၣ်တၢ်ဆီတလဲဘၣ်ဃးနဟံၣ်ဖိဃီဖိအဂ့ၢ်, ကိးဘၣ်ဖဲနကီၢ်ခီအလီၢ်ကဝီၤ မ့တမ့ၢ် ကလုာ်ပှၤမၤ တၢ်ဖိကြၢးဝဲဘၣ်ဝဲတဂၤဂၤခီဖျိစူးကါ ကီၢ်ခီဒီးထံကီၢ်ကလုာ်တၢ်ဆဲးကျိးအမံၤစရီ (county and Tribal nation contact list) တက့ၢ်.

မၤလိနၢ်ပၢၢ်အါထီၣ်ဘၣ်ဃးတၢ်ပာ်ဖျါထီၣ် SNAP တၢ်လိၣ်တဖၣ်အဂ့ၢ်ဖဲအံၤတက့ၢ်.

ခီကရဲးပဒိၣ်အဖုအကရၢဒုးအိၣ်ထီၣ်တၢ်သိၣ်တၢ်သီဖဲ တၢ်ခီဆၢက့ၤဟံၣ်ဖိဃီဖိတဖၣ်လၢခိၣ်ရိၣ်နၣ်တၢ်ဆါဃၢ်အဆိကတၢၢ်အတၢ်သိၣ် တၢ်သီ (Families First Coronavirus Response Act) လၢတၢ်မၤအါထီၣ် SNAP တၢ်န့ၢ်ဘျုးတဖၣ်အတၢ်သိၣ်တၢ်သီအဂီၢ်လၢဟံၣ် ဖိဃီဖိတဖၣ်လၢအကြၢးဒီးခွဲးယာ်ဖဲလါမၤၡး 2020 အပူၤန့ၣ်လီၤ.