Waxaa jira qaab dhammaanteen gaar inoo ah oo la xiriiro noolaanshaha nolol macne inoo leh. Hase yeeshe, marka aynaan wanaagsanayn ama welwelayno, waa muhiim inaynu haysano habab la tacaalid oo caafimaad leh. Qodobbadaan hoose waa tallaabooyinka aad u qaadi karto si aad u dhisto fayoobidaada, iyo kheyraad kaa caawinaya inaad ka gudubto wakhtiyada adag.
Joogtee caafimaadka naftaada
- Cun cunto caafimaad leh oo cab biyo
- Iska ilaali xaddi xad dhaaf ah oo leh maaddada kafiinka iyo aalkolo
- Ha isticmaalin tubaakada ama daroogooyinka sharci darada ah
- Hel hurdo kugu filan iyo nasasho
- Hel jimicsi jireed
Isticmaal habab sax ah si aad u nasato
- U nasi jirkaaga si joogto ah adigoo sameynaya waxyaabaha kuu shaqeynaya — qaado neefsasho xoogan, iskala bixi, nafta gooni la noqo, samee hiwaayado dejiyo maskaxda, ama xataa samee wax iska fudud sida dhaqidda wejigaaga ama gacmahaaga
- Deji naftaada inta u dhexeysa hawlaha welwelka leh oo samee wax madadaalo leh kadib hawl culus
- Isticmaal wakhtiga fasaxa si aad u nasato — cun cunto wanaagsan, wax akhri, dhagayso heeso, ama la hadal qoyskaaga
- Dareenkaaga kala hadal dadka aad jeceshahay iyo saaxibbadaada inta badan.
U dhug yeelo jidhkaaga, dareenkaaga iyo ruuxdaada
- Aqoonso oo dhageyso calaamadaha digniinaha hore ee welwelka
- Aqoonso sida waaya aragnimadaadi hore ay u saameyso habka aad u maareyso dhacdadan oo ka fikir sida aad u maareysay dhacdooyinkii hore. Diiradda saar qaabkii wanaagsanaa ee aad u maareysay
- Ogow in dareemidda welwelka, diiqada, qoomamada ama xanaaqu ay caadi yihiin kadib dhacdo leh jug maskaxeed
- Wakhti qaado si aad nafta u siisid tamar cusub adigoo sameynayo khalwo, salaad, ama caawinta dadka kale ee baahida qaba.
Macluumaad dheeraad ah oo ku saabsan sida loo maareeyo welwelka (PDF)
Macluumaadka loogu talagalay carruurta (PDF)
Ma u baahan tahay inaad la hadasho qof? Caawimo ayaa la heli karaa.
Taageero taleefan oo leh ammaan iyo taagerid.
Warmlines MN
Wac 651-288-0400 ama 877-404-3190
ama qoraalka "support" u dir 85511
Miyaad tahay ama ma taqaanaa qof qaba dhibaato ah caafimaadka dhimirka?
Si aad bilaash ugula hadasho xirfadle ku caawin kara:
- Wac ama qoraal u dir 988
- Ka billow wada sheekeysi khadka onlaynka ah halkan 988lifeline.org
- Ama wac khadka dhibaatada ee degmadaada
Lambarada khadka loogu jawaabo dhibaatada dadka waaweyn
Lambarada khadka loogu jawaabo dhibaatada carruurta
Ilaha dheeraadka ee caawimada
- Xarunta La Talinta ee aan Ballanta loo Baahneyn waxay bixisaa adeegyada la talinta oo bilaash iyo qarsoodi ah. Looma baahna wax ballan ah.
- Khadka Caawinta Dhibaatada Daroogada iyo Adeegyada Caafimaadka Dhimirka: 800-985-5990
- Hel adeegbixiye ah caafimaadka dhimirka ama daaweynta ku tiirsanaanta daroogada adigoo isticmaalaya Fast Tracker