Afaan Oromo | English | Español
Qof kasta oo ku nool Minnesota wuxuu mudan yahay xasilooni maskaxda ah oo ay keentay lahaanshaha caymiska caafimaadka. Caymiska caafimaadku wuxuu kaa caawinayaa in aad ku sugnaato sida ugu caafimaad qabka wanaagsan oo aadna noloshaada ugu noolaato si buuxda. Waxa kale oo uu kaa dhowraa kharashyo badan ee ku geli lahaa haddii ay dhacdo in aad bukooto ama aad dhaawacanto.
MinnesotaCare waxay bixisaa caymis caafimaad oo bilaash ah ama qiimo jaban oo ay siiso dadka aan heli karin caymis caafimaadyo kale dadkaas oo ku nool Minnesota. Xaaladda socdaalka kuma xirna arintaan. Codsadayaashu waa in ay buuxiyaan xadka dakhliga iyo shuruucda kale.
Qof walba waa lagu soo dhaweynayaa in uu codsado.
Arjiyada codsiga waxaa la aqbalayaa 24/7/365 (maalin walba sanadka oo dhan).
MinnesotaCare waxay kaa caawinaysaa in aad bixiso
Daryeelka caafimaadka ee caadiga ah
- Arkidda dhakhtarka
- Adeegyada caafimaadka maskaxda iyo hab-dhaqanka
- Baaritaannada indhaha iyo muraayadaha/ookiyaalaha indhaha
- Baaritaanada ilkaha iyo howlaha caafimaadka ilkaha qaarkood
- Qalabka caafimaadka (tusaale, bakooradda socodka ee afarta lug leh)
- Daawada
- Raajooyinka iyo baaritaanada shaybaarka
- Daaweynta oogada (Chiropractic) iyo acupuncture
Daryeelka caafimaadka ee ka hortagga ah
- Baaritaanka caafimaadka ee sannadlaha ah
- Baaritaannada fayoqabka
- Tallaalka iyo iyo talaal qaadashada
- Daryeelka uurka iyo doulas (wehelka xilliga foosha)
- Qorshaynta qoyska (tusaale, ilaalinta dhalmada)
- Baaritaanka naasaha ee mammogram, baaritaanada qanjirka 'prostate' iyo baaritaanada kale ee kansarka
Daryeelka caafimaadka takhsuska gaarka ah
- Baxnaaninta (tarabiyda shaqada, jidhka, iyo tan hadalka)
- Adeegyada isticmaalka walxaha maanka dooriya
- Maqaarka
- Qaliink
- Daryeelka jinsi-xaqiijinta
- Barnaamijyada waxbarashada gaarka ah ee dugsiyada
Daryeelka caafimadka degdega ah
- Daryeelka degdega ah
- Ambalaas (Ambulance)
- Qolka gurmadka degdegga ah