Theem nyiaj txwv
Yog tias koj cov nyiaj khwv tau nyob hauv qab cov qib theem no raws li muaj pes tsawg leej hauv koj tsev neeg, tej zaum koj kuj muaj npe txais tau kev pab
Pes tsawg leej neeg | Nyiaj khwv tau txhua xyoo ua ntej txiav tawm se |
---|---|
2 | $40,156 |
3 | $49,605 |
4 | $59,053 |
5 | $68,502 |
6 | $77,950 |
7 | $79,722 |
8 | $81,493 |
9 | $83,265 |
Qhov txheej xwm Child Care Assistance Program ua haujlwm li cas?
- Qhov kev pab Child Care Assistance Program pab nyiaj them nqi zov menyuam.
- Cov nyiaj pab them nqi zov menyuam yog them rau lub sijhawm koj mus ua haujlwm lawm, mus nrhiav haujlwm ua, mus kawm ntawv, lossis mus koom ua tej kis las nyob hauv koj phau hom phiaj Minnesota Family Investment Program lossis Diversionary Work Program.
- Tsis txwv sijhawm ntev los luv rau koj txais tau cov nyiaj them nqi zov menyuam, tsuav koj cov nyiaj khwv tau nyob rau qib tsim tseev muaj rau koj tsev neeg.
- Tus neeg zov koj tus menyuam yuav tsum los ntawm ib tug neeg muaj cai zov menyuam uas muaj 18 xyoo rov saud.
- Yuav kom koj tau kev pab nyiaj them nqi zov menyuam, koj yuav tsum yog ib leej niam leej txiv, tus niam tshiab/txiv tshiab, neeg saib xyuas lossis tus neeg txheeb ze uas saib xuas.
Koj tso npe thov hauv online tau ntawm MNbenefits.mn.gov.Tiv tauj koj lub chaw haujlwm pab cuam hauv nras lossis koom haum pab cuam kom paub ntxiv txog kev thov nyiaj pab nyiaj them nqi zov menyuam.
Yog xav paub seb koj cov ntaub ntawv thov mus zoo li cas lawm, tiv tauj lub chaw haujlwm pab cuam hauv nras lossis koom haum pab cuam.
Kev tso npe nyob tos rau Child Care Assistance Program
Ib txhia koom haum muaj kev tso npe nyob tos kev pab zov menyuam rau cov tsev neeg uas tsis tau txais Minnesota Family Investment Program (MFIP) lossis Diversionary Work Program (DWP) rau yav tag los.Yog tias koj lub koom haum nyob rau daim ntawv teev npe tos, tiv tauj lub koom haum ntawd es muab lawv tso npe nyob tos.
Kuj muaj kev pab them nqi fais fab
Koj puas nij pab zov menyuam?
- Koj mus nrhiav tau hauv online lossis hu rau 888-291-9811.Qhov kev pab muab txhais ua ntau yam lus thiab muaj:
- Star ratings (lwm tus ntsuas seb qhov kev pab puas zoo) rau kev zov menyuam thiab kev kawm ntawv thaum ntxov.
- Ntaub ntawv qhia txog kev pab them nqi zov menyuam thiab kev kawm ntawv thaum ntxov
- Yog tias koj nrhiav tsis pom yam koj xav tau, koj hu tau rau 888-291-9811, mus tham nrog ib tug neeg ua haujlwm hauv Child Care Aware of Minnesota uas paub txog koj kev pab zov menyuam thiab kev kawm ntawv thaum ntxov thiab paub hais koj yam lus
- Head Start thiab School Readiness Programs yog dawb xwb thiab muaj kev pab tau them tus nqi tsawg rau cov yim neeg uas muaj npe txais tau qhov kev pab cuam no.Mus nrhiav hauv online nraws koj lub nras, zos lossis cheeb tsam tsev kawm ntawv yog xav paub ntxiv txog tej kev pab no.
- Kev pab rau cov tsev neeg muaj menyuam me hauv Minnesota DHS-6650-ENG (PDF)
Ntaub ntawv qhia txog kev pab Child Care Assistance Program
- Mus nrhiav paub tej yam tseem ceeb txog kev pab Child Care Assistance Program thiab tej lus nug nqhuag nug nyob rau ntawm mn.gov/dhs/people-we-serve/children-and-families/economic-assistance/child-care/programs-and-services.
- Mus nrhiav xov tooj hu tau rau kev pab nyiaj them nqi zov menyuam thiab tham nrog lub Minnesota Department of Human Services Child Care Assistance Program mtawm mn.gov/dhs/people-we-serve/children-and-families/economic-assistance/child-care/contact-us.
- Mus nrhiav cov kev pab nyiaj them nqi zov menyuam rau tsev neeg thiab tej chaw zov menyuam nyob rau ntawm mn.gov/dhs/people-we-serve/children-and-families/economic-assistance/child-care/resources.
Lwm yam kev pab zov menyuam rau tsev neeg
Nyiaj pab cov menyuam kawm ntawv thaum ntxov
Tej nyiaj no pab them kom tus menyuam mus rau ib lub tsev zov menyuam zoo thiab kev kawm ntawv thaum ntxov zoo.Yog xav paub ntxiv, hu mus rau 888-291-9811 lossis mus saib nyob hauv phab Minnesota Department of Education’s Early Learning Scholarships.
Peev nyiaj pab zov menyuam tom qab
Mus saib nyob hauv Office of Higher Education lub vas sab yog xav paub txog koj lub tsev kawm ntawv qhov chaw haujlwm saib xyuas kev pab nyiaj kawm ntawv.
Kev pab zov menyuam rau tsev neeg uas muaj ib tug ua tub rog
Yog xav paub ntxiv txog tej kev pab zov menyuam no, hu mus rau kab xov tooj Child Care Aware hotline ntawm 800-424-2246, lossis mus xyuas nyob hauv phab Fee Assistance/Respite ntawm lub vas sab Child Care Aware.
Head Start thiab Early Head Start
Head Start thiab Early Head Start programs muaj kev pab rau cov menyuam thiab lawv tsev neeg txog kev kawm ntawv thaum ntxov, tsev neeg nyob noj qab nyob zoo thaum cov niamtxiv koom tes.Tiv tauj lub Minnesota Department of Education at 651-582-8412 yog xav paub ntxiv, lossis mus nrhiav ib lub tsev kawm ntawv Head Start lossis Early Head Start uas nyob ze koj.
Tej kev pab kho mob yog ib feem ntawm tej kev pab cuam uas koj thiab koj tsev neeg muaj npe txais tau.Lwm yam kev pab muaj xws li kev kho mob, kev pab vajtse, pub zaub mov noj thiab kev pab nyiaj txiag.