ဆီၣ်ထွဲမၤစၢၤ မဲၣ်နံၣ်စိထၣ်ဟံၣ်ဖိဃီဖိ,
တံၤသကိးဒီးပှၤဖဲခိၣ်ဃၢၤ
အတၢ်အံးထွဲကွၢ်ထွဲ
လၢဖိသၣ်တဖၣ်အဂီၢ်

ဖဲနအံးထွဲကွၢ်ထွဲဝဲဒၣ်ဖိဒံဖိသၣ်တဖၣ်အ ဟံၣ်ဖိဃီဖိ, တံၤသကိး မ့တမ့ၢ် ပှၤဖဲခိၣ်ဃၢၤတဖၣ် (family, friends or neighbors (FFN)) အခါ, မ့ၢ်နတၢ်ဟ့ၣ်လီၤမၤစၢၤဝဲဒၣ်တၢ်ဆီၣ်ထွဲမၤစၢၤ အရ့ဒိၣ်လၢ တၢ်မၤစၢၤဖိဒံဖိသၣ်, ဟံၣ်ဖိဃီဖိဒီးပှၤတဝၢအတၢ်ဘီၣ်ထီၣ်ညီထီၣ်အဂီၢ်န့ၣ်လီၤ. နမ့ၢ်ပှၤကွၢ်ထွဲတၢ် အါန့ၢ်ဒံးပှၤကွၢ်ထွဲဖိသၣ်- ဒီးပအိၣ်ဖဲအံၤလၢပကဆီၣ်ထွဲမၤစၢၤ နတၢ်ဖံးတၢ်မၤအဂီၢ်န့ၣ်လီၤ.

လၢတၢ်ဂီၤမူအဂၤတဖၣ်အဂီၢ်, လဲၤဆူ Video Gallery တက့ၢ်

child smiling in foreground friend and parent in background

လီၢ်ကဝီၤတဖၣ်လၢ ပဆီၣ်ထွဲမၤစၢၤဝဲဒၣ် FFN ပှၤကွၢ်ထွဲတၢ်ဖိတဖၣ်အဂီ

တၢ်မၤလိမၤဒိး

အိၣ်ဒီးတၢ်တိစၢၤမၤစၢၤတၢ်မၤလိမၤဒိးဂီၢ်မုၢ်ဂီၢ်ပၤ လၢ FFN ပှၤကွၢ်ထွဲတၢ်ဖိတဖၣ်အဂီၢ် လၢအက ဆီၣ်ထွဲမၤစၢၤဝဲဒၣ်ဖိသၣ်အတၢ်မၤလိမၤဒိးဆိတၢ်ဒီးမၤလိတၢ်သ့အကတီၢ် ဖဲကၠိပူၤဒီးတၢ်မၤလိ စီၤစုၤလၢအယံၤအဂီၢ်န့ၣ်လီၤ.

တၢ်အီၣ်န့ၢ်ဂံၢ်န့ၢ်ဘါ

အိၣ်ဒီးတၢ်တိစၢၤမၤစၢၤတၢ်သိၣ်လိနဲၣ်လိဒီးတၢ်မၤလိမၤဒိးတဖၣ်လၢအကမၤစၢၤဝဲဒၣ် FFN ပှၤကွၢ်ထွဲတၢ်ဖိတဖၣ် ကနၢ်ပၢၢ်ဒီးမၤဂ့ၤထီၣ်ဖိဒံဖိသၣ်အတၢ်အီၣ်န့ၢ်ဂံၢ်န့ၢ်ဘါအဂီၢ်န့ၣ်လီၤ

တၢ်အိၣ်ဆူၣ်အိၣ်ချ့ဒီးတၢ်အိၣ်ပှဲၤဒီးဆူၣ်ချ့လၢအဂ့ၤ

တၢ်မၤလိနၢ်ပၢၢ်ပှၤဂ့ၢ်ဝီအနီၢ်သး, တၢ်အိၣ်ဆူၣ်အိၣ်ချ့ဒီးတၢ်ပူၤဖျဲးအဂ့ၢ် ဒီးတၢ်မၤလိနၢ်ပၢၢ်ဆိသးအပိးလီ တဖၣ် မ့ၢ်ထဲဒၣ်တၢ်တိစၢၤမၤစၢၤတနီၤနီၤလၢအကဲထီၣ်တၢ်မၤစၢၤလၢ FFN ပှၤကွၢ်ထွဲတၢ်ဖိတဖၣ် အတၢ်ဟ့ၣ်လီၤမၤစၢၤခိၣ်ဃၢၤတၢ်အိၣ်သးလၢပှဲၤဒီးတၢ်အိၣ်ဆူၣ်အိၣ်ချ့အဂီၢ်န့ၣ်.

တၢ်ပူၤဖျဲး

တၢ်သိၣ်လိနဲၣ်လိဒီးတၢ်တိစၢၤမၤစၢၤအဂၤတဖၣ်, ဒ်အမ့ၢ်ဝံစိာ်တီဆှၢ, အိၣ်ဝဲလၢအမၤစၢၤဝဲဒၣ် FFN ပှၤကွၢ်ထွဲတၢ်ဖိတဖၣ် အတၢ်မၤဂ့ၤထီၣ်ဒီးသခူထီၣ်စၢၤဖိဒံဖိသၣ်အတၢ်ပူၤဖျဲး အဂီၢ်န့ၣ်လီၤ.

တၢ်ဆီၣ်ထွဲမၤစၢၤလၢ FFN ပှၤကွၢ်ထွဲတၢ်ဖိတဖၣ်အဂီၢ် မ့ၢ်တၢ်မၤစၢၤဒ်လဲၣ် တကလုာ်လဲၣ်

တၢ်သိၣ်လိလုၢ်လၢ်တၢ်ဆဲးတၢ်လၤကြၢးဝဲဘၣ်ဝဲဒီး တၢ်တိစၢၤမၤစၢၤတဖၣ်လၢ FFN ပှၤကွၢ်ထွဲတၢ်ဖိတဖၣ်အဂီၢ် လၢအကမၤဒိၣ်ထီၣ်အါထီၣ်ဒီးမၤဂ့ၤထီၣ်ဖိဒံဖိသၣ် အတၢ်အိၣ်ဆူၣ်အိၣ်ချ့ဒီးတၢ်ပူၤဖျဲးအဂီၢ်
တၢ်သိၣ်လိနဲၣ်လိလၢ FFN ပှၤကွၢ်ထွဲတၢ်ဖိတဖၣ် အတၢ်ဆီၣ်ထွဲမၤစၢၤဖိဒံဖိသၣ် အတၢ်ထီၣ်ကၠိ သ့ကတီၢ် ဒီးတၢ်မၤလိစီၤစုၤလၢအယံၤအဂီ
တၢ်မၤလိနၢ်ပၢၢ်ပှၤဂ့ၢ်ဝီအနီၢ်သး, တၢ်အိၣ်ဆူၣ်အိၣ်ချ့ဒီးတၢ်ပူၤဖျဲးအဂ့ၢ်, ဒီးတၢ်မၤလိနၢ်ပၢၢ်ဆိသး အပိးလီတဖၣ် လၢ FFN ပှၤကွၢ်ထွဲတၢ်ဖိတဖၣ်အဂီၢ်
စဲးဖီကဟၣ်ပီညါလၢတၢ်ဆီၣ်ထွဲမၤစၢၤဝဲဒၣ် တၢ်ဘျးစဲလၢအ့ထၢၣ်နဲးဖီခိၣ်ဒီးတၢ်သိၣ်လိနဲၣ်လိ လၢတၢ်စူးကါဝဲဖဲစဲးဖီကဟၣ်ပီညါအပူ
တၢ်ဃုထၢတူၢ်လိာ် FFN ပှၤကွၢ်ထွဲတၢ်ဖိအသီတဖၣ် ဖဲတၢ်ဆီၣ်ထွဲမၤစၢၤစဲၣ်နီၢ်အပှာ်ဘျးစဲ တဖၣ်အပူ
တၢ်မၤလိမၤဒိးဘၣ်ဃးတၢ်ကွၢ်ထွဲဖိသၣ်အလံာ်အုၣ်သး
တၢ်မၤလိမၤဒိးဘၣ်ဃး တၢ်တိစၢၤမၤစၢၤတၢ်ကွၢ်ထွဲဖိသၣ်တၢ်တိာ်ကျဲၤ (Child Care Assistance Program), တၢ်မၤလိဆိသးအကူၣ်သ့စ့ဆီၣ်ထွဲတဖၣ် (Early Learning Scholarships) ဒီးတၢ်ဆီၣ်ထွဲမၤစၢၤကျိၣ်စ့ဂ့ၢ်ဝီလၢဟံၣ်ဖိဃီဖိတဖၣ်အဂီၢ်
ဝံစိာ်တီဆှၢလၢ FFN ပှၤကွၢ်ထွဲတၢ်ဖိဒီးဖိသၣ်အဟံၣ်ဖိဃီဖိတဖၣ် အတၢ်အိၣ်ကတီၤသးလၢ တၢ်လဲၤဆူကၠိဒီးတၢ်မၤလဲၤထီၣ်လဲၤထီတၢ်သိၣ်လိနဲၣ်လိ လၢဖိသၣ်အတၢ်မၤလိဆိ တၢ်ဟူးတၢ်ဂဲၤ တဖ
တၢ်မၤလဲၤထီၣ်လဲၤထီတၢ်သိၣ်လိနဲၣ်လိဖိသၣ် အတၢ်မၤလိဆိလုၢ်လၢ်တၢ်ဆဲးတၢ်လၤ ကြၢးဝဲဘၣ်ဝဲ
တၢ်မၤသကိးတၢ်လိာ်ခိၣ်လိာ်ကွဲဒီး တၢ်မၤလိမၤဒိးအကတီၢ်တဖၣ် လၢ FFN ပှၤကွၢ်ထွဲတၢ်ဖိ တဖၣ်အဂီၢ်
တၢ်မၤလဲၤထီၣ်လဲၤထီ FFN ပှာ်ဘျးစဲအသီတဖၣ် ဒီးတၢ်မၤဆူၣ်ထီၣ်တၢ်လၢအအိၣ်ဒံးဝဲတဖ
တၢ်ဆီၣ်ထွဲမၤစၢၤသးတၢ်အိၣ်ဆူၣ်အိၣ်ချ့ လၢ FFN ပှၤကွၢ်ထွဲတၢ်ဖိဒီးပှၤဘၣ်မူဘၣ်ဒါတဖၣ် အဂီ
တၢ်ဒုးအိၣ်ထီၣ်ပှၤကွၢ်ထွဲတၢ်ဖိအဖုအဂီၢ်တဖၣ် လၢအပၣ်ဃုာ်ဒီးဟံၣ်ဖိဃီဖိ, ဟံၣ်ဃီ, FFN ဒီးတၢ်ကွၢ်ထွဲဖိသၣ် လၢတအိၣ်ဒီးလံာ်အုၣ်သးဖိသဲစး