Yuav paub pom thiab qhia tawm txog kev dag ntxias Medicaid li cas
Tus neeg dag ntxias yuav sim muab koj cov ntaub ntawv ntiag tug los ntawm kev sau koj npe rau ib qho program pab kho mob. Tom qab lawv tau koj cov ntaub ntawv lawm, lawv yuav siv koj lub npe mus sau nqi rau Medicaid rau cov kev pab uas koj yeej tsis tau txais. Yog koj paub cov cim ceeb toom ua ntej, nws yuav pab tiv thaiv koj cov ntaub ntawv ntiag tug thiab koj cov kev pab.
Xav kom zoo ua ntej yog tias muaj leeg twg:
- Muab khoom plig rau koj kom koj muab koj cov ntaub ntawv, xws li nyiaj ntsuab, daim npav khoom plig, kev xa zaub mov tuaj dawb, nyiaj caij tsheb, lossis lwm yam khoom ntxias.
- Muab kev thauj mus los rau koj, coj koj mus kho mob lossis mus txais lwm yam kev pab nyob rau lwm lub xeev.
- Tsib kom koj sau npe cuv tam sim ntawd. Cov neeg dag ntxias feem ntau mus cuag tib neeg rau tej chaw zej tsoom thiab yuam kom lawv txiav txim sai.
- Hais tias cov kev pab yog “dawb,” tiamsis thov koj tus lej Medicaid kom lawv thiaj li xa tau nqi rau qhov program ntawd.
- Tiv tauj koj yam tsis tau ceeb toom ua ntej thiab thov koj tus lej Medicaid, tus lej Social Security, lossis koj cov ntaub ntawv ntiag tug.
- Hais kom koj kos npe rau cov ntawv uas tseem tsis tau sau dabtsi, lossis kom koj kos npe ntau zaus yam tsis piav tias yog vim li cas.
- Hais kom koj tsis txhob qhia rau koj tus neeg sawv cev pab koj (case manager), koj tus kws kho mob, lossis MN DHS paub txog cov kev pab ntawd.
- Sau cov kev pab lossis hom mob uas koj tsis tau txais rau hauv koj daim Explanation of Benefits (daim ntawv qhia txog cov kev pab uas tau them).
Kuv yuav ua li cas yog tias kuv xav tias muaj kev dag ntxias?
QHIA TAWM. Kev dag ntxias yog thaum ib tug neeg txhob txwm dag kom tau nyiaj lossis tau txiaj ntsig rau nws tus kheej. Koj tsis tas yuav paub tseeb koj mam li qhia koj qhov kev txhawj xeeb. Yog muaj ib yam dabtsi zoo li tsis ncaj ncees, ntseeg koj txoj kev xav — yam koj ua no yuav pab tiv thaiv tau koj thiab koj lub zej zog.
Qhia tawm
651-431-2650 or 800-657-3750