Primary navigation

    Xov ntaus ntawv qhia txog nyiaj P-EBT

    Xov ntaus ntawv qhia txog nyiaj P-EBT

    Cov nyiaj muas noj Pandemic Electronic Benefit Transfer (P-EBT) yog ib yam nyiaj pab yuav zaub mov noj ib ntus rau cov tsev neeg nyob hauv Minnesota uas muaj tej me nyuam tau noj mov dawb los sis tus nqi zaub mov raug txo tom tsev kawm ntawv.

    Minnesota Lub Tuam Tsev Hauj Lwm Ntsig Txog Cov Kev Pab Cuam Tib Neeg (Minnesota Department of Human Services, DHS) yuav siv tus xov tooj hu dawb 1-855-965-0703 ntaus ntawv tuaj qhia rau tsev neeg txog cov nyiaj P-EBT uas lawv yuav xa tuaj . Minnesota Lub Tuam Tsev Hauj Lwm Ntsig Txog Cov Kev Pab Cuam Tib Neeg (Department of Human Services) yuav tsis nug txog koj tej yam ntaub ntawv ntiag tug.

    Yuav pib ntaus ntawv tuaj nyob rau Lub 3 Hlis Ntuj xyoo 2021 tej zaum yuav rov tshwm sim dua kom txog thaum tag nrho cov txiaj ntsig tau muab faib. Nyob ntawm koj yeem los txais xov xwm hauv kev ntaus ntawv xwb.

    Cov neeg uas tso ib tug xov tooj ntawm tes thiab tsis rho lawv npe tawm yuav txais tej xov xwm nyiaj P-EBT xa tuaj rau lawv.

    Qauv xov xwm uas ntaus ntawv tuaj:

    Lub Tuam Tsev Hauj Lwm Ntsig Txog Cov Kev Pab Cuam Tib Neeg (Department of Human Services) xav caw koj los txais xov xwm tseem ceeb uas ntaus ntawv tuaj qhia koj txog tej nyiaj muas noj uas koj yuav txais. Yog tias koj tsis xav txais tej xov xwm no, thov sau teb rov qab tias NRES (STOP).

    Koj xav rho npe tawm thaum twg los yeej tau. Cia li sau teb rov qab tias " NRES (STOP)". )". Cov xov xwm uas ntaus ntawv tuaj yuav los ntawm tus xov tooj no 1-855-965-0703. Tom qab koj sau teb rov qab tias " NRES (STOP)" rau peb lawm, peb mam li teb koj rov qab tias tau rho koj npe tawm lawm. Tom qab koj ua li no ces yuav tsis pom peb ntaus ntawv xa tuaj rau koj lawm.

    Yog tias koj xav koom nrog dua ntxiv, xa ntawv nrog lo lus hais tias "tsis nres" rau tus xov tooj 855-965-0703.

    Yog tias koj tus lej xov tooj ntawm tes hloov pauv, hu rau koj tus me nyuam lub tsev kawm ntawv txhawm rau hloov kho koj cov ntaub ntawv tiv tauj.

    Yog tias koj tus lej xov tooj ntawm tes hloov pauv, hu rau koj tus me nyuam lub tsev kawm ntawv txhawm rau hloov kho koj cov ntaub ntawv tiv tauj.

    Yog tias koj ntsib teeb meem txog kev ntaus ntawv, ces koj sau teb rov qab tias PAB (HELP) kom thiaj li tau kev pab, los sis koj sau tuaj rau DHS.SNAP.SpecialProjects@state.mn.us los sis hu rau 651-431-4608 los sis 1-833-454-0153.

    Lub tuam txhab tauj xov tooj rau koj tsis yog qhov teeb meem rau tej xov xwm uas raug ncua los sis xa tuaj tsis txog koj.

    Li ib txwm, tej kev siv ntaus ntawv uas peb xa tuaj rau koj thiab koj xa tuaj rau peb kuj muaj tus nqi tshoj rau thiab. Yuav ntaus ntawv xa tuaj rau koj li ntawm 3 zaug tauj ib lub hlis twg. Yog tias koj muaj lus nug txog kev ntaus ntawv los sis kev siv is taws nem hauv koj lub xov tooj, zoo tshaj koj yuav tau hu tham nrog lub tuam txhab tauj xov tooj rau koj.

    Yog tias koj muaj lus nug txog kev ceev ntiag tug, thov mus nyeem peb txoj cai ceev ntiag tug nyob rau ntawm https://edocs.dhs.state.mn.us/lfserver/Public/DHS-3979-HMN

    Tej Kev Cai Siv

    Kev pab cuam P-EBT yuav ntaus ntawv xa tuaj qhia koj txog tej nyiaj muas noj P-EBT uas koj tau, tshwj tsis yog koj rho npe tawm kom txhob tau txais cov xov xwm no. Hauv qab no yuav qhia koj txog kev pab cuam P-EBT tej kev ntaus ntawv xa xov xwm tuaj rau koj thiab yuav rho npe tawm li cas.

    • Yuav ntaus ntawv xa mus rau txhua tus neeg uas muaj npe tau nyiaj P-EBT uas tau muab lawv tus xov tooj ntawm tes tuaj rau Minnesota Lub Tuam Tsev Hauj Lwm Ntsig Txog Kev Kawm (Minnesota Department of Education).
    • Kev pab cuam P-EBT yuav ntaus ntawv tuaj qhia koj paub txog koj tej nyiaj muas noj thiab lwm yam uas tseem ceeb txog cov nyiaj muas noj P-EBT.
    • Koj yuav yog tus lav tej nuj nqis raug los ntawm tej kev siv ntaus ntawv no uas los ntawm lub tuam txhab tauj xov tooj rau koj.
    • Yuav ntaus ntawv xa tuaj rau koj sib tshooj ob peb tsab.
    • Tej xov xwm uas kev pab cuam P-EBT xa tuaj rau koj lub xov tooj li no kuj muaj tej ntaub ntawv ntiag tug nyob rau hauv. Koj yuav tsum ua tib zoo tiv thaiv tej ntaub ntawv no nyob hauv koj lub xov tooj.
    • Koj xav rho npe tawm kom tsis txhob tau txais tej xov xwm hauv xov tooj no los ntawm kev pab cuam P-EBT thaum twg los yeej tau yog tias koj sau teb rov qab tias NRES (STOP). Yog tias koj rho npe tawm kom txhob tau txais xov xwm hauv xov tooj los ntawm kev pab cuam P-EBT, ces yuav tsis ntaus ntawv ntxiv tuaj rau koj lawm tshwj tsis yog xa ib tsab ntawv nrog lo lus "tsis nres (unstop)" rau tus xov tooj 855-965-0703.
    • Yuav tsis kom koj nyob rau kev tau txais xov xwm hauv koj lub xov tooj los ntawm kev pab cuam P-EBT, thiab yog tias koj rho npe tawm lawm, yuav tsis cuam tshuam koj li txiaj ntsig nyiaj los sis tej kev pab cuam.
    • Qhov kev pab cuam P-EBT yuav ceev tseg tej ntaub ntawv uas peb muaj txog koj. Tsuas pub cov neeg ua hauj lwm rau P-EBT thiab lub tuam txhab ntaus ntawv P-EBT paub txog koj lub npe thiab tus xov tooj xwb. Ib daim ntawv sau tseg peb txoj cai hais txog kev cai ceev ntiag tug muaj nyob rau ntawm
    • Qhov kev pab cuam P-EBT kuj txiav lawv kev ntaus ntawv xa tuaj rau koj thaum twg los yeej tau. Qhov kev pab cuam P-EBT kuj yuav hu rau koj los sis sau ntawv tuaj rau koj,xws li sau ib tsab e-mail yog tias koj qhia koj tus e-mail tuaj rau Minnesota Lub Tuam Tsev Hauj Lwm Ntsig Txog Kev Kawm (Minnesota Department of Education).
    • Lub tuam txhab tauj xov tooj rau koj tsis yog qhov teeb meem rau tej xov xwm uas raug ncua los sis xa tuaj tsis txog koj.

    Yuav tiv tauj peb li cas nrog cov lus nug

    Thov tiv tauj lub Minnesota Lub Tuam Tsev Hauj Lwm Ntsig Txog Cov Kev Pab Cuam Tib Neeg (Minnesota Department of Human Services) ntawm tus xov tooj 651-431-4608, 1-833-454-0153 los sis DHS.SNAP.SpecialProjects@state.mn.us

    back to top