Nrhiav kev pab rau cov teeb meem siv dej caw thiab siv yeeb tshuaj

Lub xeev Minnesota muaj ntau hom kev pab kho mob rau cov tibneeg uas tab tom muaj teeb meem nrog kev siv dej caw lossis yeeb tshuaj. Nws yog ib qho tseem ceeb kom paub tias hom kev pabcuam kho kev siv dej caw lossis yeeb tshuaj twg yuav haum tshaj rau koj txoj kev rov zoo.

Kuv yuav paub tau li cas tias kuv puas tsim nyog tau kev kho thiab hom kev pab twg yuav haum rau kuv?

Tau txais ib qho kev ntsuam xyuas ntxaws txhua yam los pab txiav txim seb hom kev pabcuam twg thiaj li haum rau koj tshaj. Qhov no yog ib qho kev tshuaj xyuas uas tus kws pab tswv yim txog kev haus dej caw lossis siv yeeb tshuaj nws ua, kom paub tias tus neeg uas muaj teeb meem haus dej caw lossis siv yeeb tshuaj yuav xav tau hom kev pabcuam kho twg.
Kuv yuav mus qhov twg kom tau txais kev ntsuam xyuas ntxaws txhua yam?
Txhawm rau kev nrhiav cov kws muab kev pabcuam nyob ze koj, siv ib qho ntawm cov txuas hauv qab no.
- >FastTracker: Lub website no pab koj nrhiav kev pabcuam txog kev haus dej caw lossis siv yeeb tshuaj uas nyob ze koj. Nws kuj muaj daim ntawv teev cov npe ntawm cov chaw pabcuam pawg haiv neeg xeeb txawm qhab thiab cov chaw muab kev pabcuam sab nraud.
- DHS Licensing Information Look-up (DHS Mus Nrhiav Cov Ntaub Ntawv Tso Cai): Qhov no yog ib qho chaw uas muaj cov ntaub ntawv uas muaj txhua yam kev pabcuam uas tau tso cai los ntawm Lub Tuam Tsev Haujlwm Ntsig Txog Kev Pabcuam Pejxeem. Xaiv hom ntawv tso cai rau kev pab txog haus dej caw lossis siv yeeb tshuaj kom nrhiav cov chaw kws muab kev pabcuam. Cov ntaub ntawv no kuj muaj cov ntaub ntawv txog kev tshuaj xyuas ntawv tso cai.
- Minnesota Health Care Programs (MHCP) Qho Chaw Qhia Cov Npe Uas Muab Kev Pabcuam): Qhov chaw no qhia cov npe ntawm cov kws kho mob uas muab kev pab rau MHCP cov tswv cuab (xws li Medical Assistance thiab MinnesotaCare).
- Findtreatment.gov: Qhov no yog ib qho chaw nrhiav kev pab los ntawm Substance Abuse and Mental Health Services Administration (SAMHSA). Nws muaj cov kev pabcuam uas tau txais ntawv tso cai los ntawm pab pawg haiv neeg xeeb txawm qhab, los ntawm DHS, thiab cov neeg kws tshaj lij txog kev pab kho kev siv yeeb tshuaj uas ua haujlwm ntiag tug.
Kuv yuav them qhov kev ntsuam xyuas ntxaws txhua yam no li cas?

Yog tias koj tsis muaj kev duav roos pov hwm kev kho mob (insurance), lossis koj qhov duav roos pov hwm kev kho mob muaj tsis txaus, hu rau koj lub cheeb tsam nroog lossis pab pawg haiv neeg xeeb txawm qhab lub chaw ua hauj lwm (PDF) kom nug seb koj puas tsim nyog tau txais kev pab nyiaj rau kev pabcuam kho teeb meem rau kev haus dej caw lossis siv yeeb tshuaj, xws li kev ntsuam xyuas ntxaws txhua yam. Koj yuav muaj kev tsim nyog tau txais kev pab nyiaj txiag nyob raws li ntawm koj cov nyiaj khwv tau los.

Yog tias koj muaj kev duav roos pov hwm kev kho mob, tiv tauj rau lub tuam txhab pov hwm kom paub txog koj cov kev pab thiab nrhiav cov chaw uas muab kev pabcaum uas yuav pab tau koj. Cov tibneeg uas muaj Medical Assistance tuaj yeem nrhiav tus xov tooj kev pabcuam kho mob rau cov tswv cuab ntawm lub website ntawm tus xov tooj kev pabcuam kho mob rau cov tswv cuab.

Cov Kev Pabcuam Kho Mob

Cov kev pabcuam pab kho teeb meem txog kev kev haus dej caw lossis siv tshuaj muaj xws li:

Kev ntsuam xyuas ntxaws txhua yam
Kev pabcuam kho mob kev kho mob uas tsis tas pw hauv tsev kho mob (outpatient) rau tus kheej thiab pab pawg
Cov kev pabcuam kho mob hauv tsev (residential)
Kev kho mob uas yuav tsum pw hauv tsev kho mob (inpatient)
Kev tswj kev thim tshuaj hauv tsev
Kev kho mob siv tshuaj pab kho (xws li cov kev pabcuam kho uas siv tshuaj kho mob opioid uas muab cov tshuaj methadone, suboxone thiab lwm yam kev kho mob, thiab cov chaw kho mob raws li kws kho mob uas sau tshuaj los pab kho cov teeb meem haus dej caw lossis siv yeeb tshuaj)
Kev tswj thiab saib xyuas kev kho mob
Kev txhawb nqa los ntawm cov neeg uas muaj kev rov zoo lawm (peer support).

Kawm paub ntxiv

Nrhiav cov ntaub ntawv ntxiv txog kev tsim nyog tau txais kev pabcuam kho mob dawb.
Kawm txog cov ntsiab lus uas qhia txog kev haus dej caw lossis siv yeeb tshuaj hauv peb lub website rau cov lus nug uas nquag nug.
Tshawb nrhiav seb puas muaj kev pab rau cov teeb meem twv txiaj.